Iðgjaldaskil til VSFK
VSFK mun taka við móttöku skilagreina og innheimtu félagsgjalda þann 1. september 2025. Jafnframt innheimtu gjalda í sjúkra-, orlofs- og fræðslusjóði.
Verkefnið var áður hjá lífeyrissjóðinum FESTA. Athugið að FESTA mun áfram annast innheimtu iðgjalda í lífeyrissjóð og innheimtu endurhæfingargjalds (0,10%).
Kennitala félagsins er 680269-5729 og stéttarfélagsnúmer félagsins er F132.
Gjöld sem eru skráð handvirkt skal skila á bankareikning 0133-26-018744
Engar breytingar verða á hlutfalli félags- og iðgjalda.
Undirbúningur þessa verkefnis hefur staðið yfir undanfarna mánuði en markmiðið er að yfirfærslan verði hnökralaus fyrir launagreiðendur.
Hægt er að senda fyrirspurnir vegna þessa á netfangið innheimta@vsfk.is eða hringja á skrifstofu félagsins í síma 421-5777.
Upplýsingar um innheimtu
Á almenna markaðinum: (gildir frá 1.apríl 2019)
| Félagsgjöld (greitt af starfsmanni) | 1% |
| Sjúkrasjóður | 1% |
| Orlofssjóður | 0.25% |
| Starfsmenntasjóður (Starfsafl) | 0.30% |
Hjá Sveitarfélögum: (gildir frá 1. janúar 2020)
| Félagsgjöld (greitt af starfsmanni) | 1% |
| Sjúkrasjóður | 1.25% |
| Orlofssjóður | 1% |
| Starfsmenntasjóður | 0.82% |
| Félagsmannsjóður | 2.2% |
Hjá Ríki og SFV: (gildir frá 1. apríl 2019)
| Félagsgjöld (greitt af starfsmanni) | 1% |
| Sjúkrasjóður | 0.75% |
| Orlofssjóður | 0.5% |
| Starfsmenntasjóður | 0.82% |
Að senda inn skilagreinar
Launagreiðendur senda inn skilagreinar fyrir hvern mánuð með sundurliðun á öllum iðngjöldum fyrir hvern launþega merkt réttu Stéttarfélagsnúmeri. Númer VSFK er F132
Mörg launakerfi bjóða upp á þann möguleika að senda skilagreinar beint inn í kerfi þess sem móttekur.
Fyrir þá sem ekki skila félags- og sjóðsgjöldum beint úr launakerfi geta skilað gjöldunum inn í gegnum rafrænt skilagreinaform hér. Notendur velja hvaða kjarasamningi verið er að skila samkvæmt. Færa þarf inn kennitölur og heildarlaun launþega og mikilvægt er að fara yfir allar upplýsingar áður en ýtt er á „senda“ hnappinn. Kvittun er svo send á netfangið sem gefið er upp.
VSFK óskar eftir því að fá allar skilagreinar sendar með rafrænum hætti.
Nánar um afgreiðslu skilgreina
Ef launagreiðandi þarf að gera leiðréttingar á eldri skilagreinum sem hafa verið sendar inn er nauðsynlegt að senda póst á innheimta@vsfk.is. Aðeins er hægt að leiðrétta 3 mánuði aftur í tímann.
Aðeins er tekið við skilagreinum 3 mánuði aftur í tímann. Hægt er að hafa samband í tölvupósti (innheimta@vsfk.is) ef þörf er á að senda skilagreinar lengra en 3 mánuði aftur.
Greiðsluseðill er sendur í heimabanka eftir að skilagrein hefur verið send til VSFK. Krafan stofnast þó ekki fyrr en skilagreinin hefur verið yfirfarin og ef misræmi kemur í ljós stofnast krafan samkvæmt yfirfarinni skilagrein. – Ef krafa stofnast ekki í heimabanka hefur skilagrein ekki borist af einhverjum ástæðum.
Gjalddagi er 15. dagur næsta mánaðar á eftir launamánuði. – Eindagi er 30. dagur sama mánaðar. Ef greiðsla er ekki innt af hendi fyrir eindaga eru reiknaðir dráttarvextir frá gjalddaga til greiðsludags.
Innheimtuferlið hefst ef iðgjöld eru ekki greidd á eindaga. Áminning er send 7 dögum eftir eindaga og innheimtuviðvörun 15 dögum eftir eindaga. Hafi krafa ekki verið greidd 11 dögum eftir innheimtuviðvörun er hún send í löginnheimtu.
Dæmi um iðgjöld vegna apríl mánaðar: Gjalddagi er 15. maí. Eindagi er 30. maí. Áminning send 6. júní. Innheimtuviðvörun send 14. júní þar sem er gefinn 11 daga frestur. Vanskilin send í löginnheimtu þann 25. júní sé krafan ekki greidd.
Allar spurningar má senda á netfangið innheimta@vsfk.is
