Fræðslustyrkir Starfsafls til einstaklinga voru hækkaðir um síðastliðin áramót og tekur hækkunin til reikninga sem gefnir eru út eftir 1. janúar 2026.
Breytingarnar eru eftirfarandi:
Frá og með 1. janúar 2026 taka gildi uppfærðar reglur um einstaklingsstyrki samanber eftirfarandi:
- Hámarksgreiðsla fyrir almennt nám og lífsleikninámskeið hækkar úr 130.000 kr. í 180.000 kr.
- Félagsmenn sem ekki hafa nýtt rétt sinn í tvö ár geta fengið allt að 360.000 kr. í styrk.
- Félagsmenn sem ekki hafa nýtt rétt sinn í þrjú ár geta fengið allt að 540.000 kr. í styrk.
Þessi uppsafnaði réttur gildir fyrir eitt samfellt nám eða námskeið, í samræmi við nánari reglur sjóðsins.
Starfsafl er starfsmenntasjóður Verkalýðs- og sjómannafélags Keflavíkur og nágrennis, Eflingar stéttarfélags, Samtaka atvinnulífsins og Verkalýðsfélagsins Hlífar.
Frekari upplýsingar um fræðslustyrki má finna hér.
